لا أتابع المسلسلات ولا البرامج التليفزيونية منذ فترة طويلة بعد أن انحدر المستوى العام كما أقاطعها تماما في شهر رمضان ….
ولكن وعكة برد مفاجئة اضطررت بسببها أن أجلس في المنزل وحدث أن شاهدت إحدى حلقات مسلسل ” المداح ” – تحديدا الحلقة السابعة – لأكتشف أن هذا المسلسل خطير جدا فهو يضع النقاط على حروف المشهد الدجلى الذى نعيشه الآن … واكتشفت أنه يفضح مخططات المتربصين بنا … !!
وهذا حوار كاشف في تلك الحلقة وهو حوار دار داخل إجتماع ” الماسون ” أعوان الدجال بكراسيه السبعة …!!
ممثل الدجال رئيس الإجتماع الذى يتشكل على هيئة ” الشيخ سلام «أبو المداح وملك الجن الأحمر»
وبنت إبليس زعيمة الأبالسة الذين يتشكلون على هيئة بشر إضافة إلى الإعلامى صاحب المحطات الفضائية …
ويتضم إليهم ” الملياردير ” صاحب شركات الأدوية والدجالة أو العرافة – التي تمثل الطاقة السلبية – وأخيرا … رجل الأعمال …
كل جملة قيلت في هذا الحوار خطيرة ولابد أن نقف عندها لكي نفهم ونعى كل ما يحدث من حولنا :
* الرئيس :
لازم خطواتنا اللى جاية تكون بشكل أسرع وأقوى
احنا مش جايين عشان نحاربهم احنا جايين عشان نشكلهم من أول وجديد …
لازم نخليهم يهدوا كل اللى احنا بنكرهه وبإيديهم هم …
* الأدوية :
أيوه بس احنا مهما عملنا هيبقى صعب برضه
دول شعوب متدينين بطبيعتهم متمسكين بدينهم وفخورين أوى بتاريخهم …
* الرئيس :
الشك هو المفتاح .. يشكوا في دينهم في علمهم في تاريخهم يشكوا حتى في نفسهم …
* بنت إبليس :
لازم نخليهم مطيعين مستسلمين مؤمنين إن إحنا الأقوى …
مفيش حاجة إسمها وطن ولا إنتماء ولا هوية ..
* الطاقة :
صعب نغير هوية ناس اتربت على كده أى حد يمس معتقداتهم بيقفوا قصاده …
* بنت إبليس :
الجيل الجديد هو الحل لازم يبقى مشوش وخايف معندوش طموح ولا هدف . .
* الرئيس :
نهدم الرموز اللى بتمثل قدوة ليهم ونخترعلهم رموز جديدة …
رموز تحركهم ناحية العبث والضياع والقرار في إيدينا
إحنا اللى بنقول إيه اللى يتسمع وإيه اللى يتقال …
والا إيه ياصفوت !!!
* الإعلام :
طلبات المجلس مُجابه .. إحنا أهدافنا كلها واحدة ..
* بنت إبليس :
بالظبط وعشان أهدافنا كلها واحدة لازم نكون مؤمنين إن مفيش حل غير اللى إحنا بنقدمه …. هنهزمهم جوا دماغهم …
( انتهى الحوار ) لأجد نفسي أردد:
ياااااااارب مدد …
